'ल्यं दुगु आन्दोलन नं लितकाः'

सरकार समर्थित झिंन्यागू दलं एनेकपा (माओवादीं) लितकाःगु आम हड्तालयात लसकुस यासें ल्यं दुगु आन्दोलन नं लितकयेत इनाप याःगु दु ।

प्रधानमन्त्री निवास बालुवाटारय् च्वंगु झिंन्यागू दलया बैठकं माओवादीयात ल्यं दुगु आन्दोलनया ज्याझ्वः नं लितकयाः सहमतिया वातावरण निर्माण यायेत इनाप याःगु दु । अथेहे बैठकं सम्वाद, सहमति व सहकार्यलय् वयेत इनाप यासें शान्ति व लोकतन्त्रया पक्षय् इमान्दार जुइत इनाप याःगु दु ।

बैठकं आम हड्तालया अवज्ञा यानाः शान्ति व लोकतन्त्रया पक्षय् उन्नत स्तरया लोकतान्त्रिक व नागरिक चेतना न्ह्यब्वःगुलिं दक्वं जनतायात सुभाय् देछागु दुसाः शान्ति व सुव्यवस्था कायम यायेत थःपिनिगु भूमिका निर्वाह याःगुलिं सुरक्षाकर्मी व राष्ट्रसेवकतय् सुभाय् ब्यूगु दु ।