संस्कृति मन्त्री थःम्हं हे निस्वंगु प्रज्ञा प्रतिष्ठान थःम्हं हे विघटन

तच्वयेक विरोध जुइवं संस्कृति व राज्य पुनस्रंरचनामन्त्री गोपाल किरातीं थःम्हं निस्वंगु प्रज्ञा प्रतिष्ठान विघटन यानादीगु दु । संस्कृतिमन्त्री किरातीं खाली जुयाच्वंगु प्रज्ञा प्रतिष्ठानय् प्रधानमन्त्रीया निर्देशनय् कुलपति ईश्वरचन्द्र ज्ञवाली व उपकुलपति भूपाल राई नियुक्त यानादीगु खः । तर प्रकि्रया पूमवंकूसें नियुक्त याःगु धासें प्राज्ञिक क्षेत्रं विरोध याःगु खः । नियुक्ती बदर यायेत माग यानाः निवन्धकार विष्णु प्रभातं सर्वोच्च अदालतय् रिट तकं दायर यानादीगु खः । तर मन्त्री किाराँतीं संक्रमणकालय् नियुक्ती प्रकि्रया जटिल जूगु धयादिसें विघटन यानागु धयादिल । प्रज्ञासभां सिफारिस मयासें पदाधिकारी नियुक्त याःगु धासें सर्वोच्च अदालतय् लाःगु रिटº् थौं सुनुवाई जुइत्यंगु दु । प्रज्ञासभा विघटन याःसां नं नेपाल संगीत तथा नाट्य प्रज्ञा प्रतिष्ठानया नियुक्ती धाःसा यथावत याःगु दु । नेपाल संगीत तथा नाट्य प्रज्ञा प्रतिष्ठानया कुलपति माईला लामा व सदस्यसचिवय् बालकृष्ण राईयात नियुक्त याःगु दु ।