माओवादी नेतृत्वया सरकार गठन जुइमखु : ओली

नेकपा (एमाले)या वरिष्ठ नेता केपी शर्मा ओलीं माओवादी नेतृत्वया सरकार गठन मजुइगु दावी यानादीगु दु । वय्कलं माओवादी नेतृत्वया सरकार गठन यायेगु कुतःलय् लगे जुयाः थःपिनिगु ई मफुकेत नं दक्वसितं इनाप यानादिल ।

संचवाः येँय् जूगु छगू ज्याझ्वःलय् न्ववानादिसें वय्कलं वर्तमान सरकार असंवैधानिक हिसावं वइगु जेठ तक जक मखसें असार, साउनय् नं क्वःमदलीगु धयादिल । डर, त्रास व धम्कीया भरय् सत्ता कब्जा यायेमफइगु खँ नकतिनिया माओवादी आन्दोलनं पुष्टि याःगु धयादिसें वय्कलं माओवादीयात सत्ता माःगु खःसा थ्वहे सरकारय् वयेत इनाप यानादिल ।

माओवादीयात धम्कीया भाय् त्वःताः दक्वसियां सम्मान यानाः शान्ति प्रकृयाय् इमान्दार जुयाः ब्वति कायेत इनाप यानादिसें नेता ओलीं आः हानं आन्दोलन याःसा उकीयात जनतां साथ मबीगु दावी यानादिल ।