आम हड्ताल लिपा जनजीवन सामान्यता पाखे

एकीकृत नेकपा (माओवादीं) यानाच्वंगु आम हड्ताल स्थगित यायेवं संचवाः निसें देय्न्यंकया जनजीवन सामान्यता पाखे वनाच्वंगु दु । शनिवाः सुथय् निसें देय्न्यंया सवारी साधार सुचारु जूगु दुसाः चीची धंगु निसें तःधंगु पसःत चाःगु खनेदु । अथेहे सर्वसाधारतय् चहःपहः नं अप्वःगु दु । देय्न्यंकया शिक्षण संस्था व ज्याकूत धाःसाः थौं संचवाः जूगुलिं बन्द हे खनेदु ।

शान्ति व संविधानया निंतिं थःपिनिगु नेतृत्वय् राष्ट्रिय सहमतिया सरकारया निंतिं खुन्हु तक आम हड्ताल याःगु माओवादीं जनता-जनता दथुइ हे ल्वाकेगु षड्यन्त्र जूगु धासें शुक्रवाः बहनी आम हड्तालया ज्याझ्वः लितकाःगु खः ।

खुन्हु तक जूगु आम हड्तालया कारणं देय्न्यंकया अवस्था कष्टकर जूगु खः ।