सत्तारुढ दलत संविधानसभा विघटन यायेत स्वयाच्वन : भट्टराई
एकीकृत नेकपा (माओवादी)या उपाध्यक्ष डा. बाबुराम भट्टराईं सत्तारुढ दलत थीथी बहानाय् संविधानसभा विघटन यायेगु षड्यन्त्रय् लगे जुयाच्वंगु द्वपं बियादीगु दु । वय्कलं अज्याःगु षड्यन्त्र जुयाच्वंगुलिं हे आन्दोलन यायेमाःगु धयादिल ।
कलंकीइ माओवादीं शुक्रवाः याःगु कोणसभायात सम्बोधन यानादिसें उपाध्यक्ष भट्टराईं थनच्वंपिं तःमिपिंसं माआवोदी इमिगु धन सम्पत्ति व छेँय् खोसे यायेत वःगु बिचाः यानाच्वंगु धयादिसें माओवदी इमिगु भाग कायेत मखु अधिकारया निंतिं वःगु धयादिल ।
वय्कलं सम्भ्रान्त वर्ग, मध्यम वर्ग व श्रमजीवी स्वंगुलिं वर्गया निंतिं अधिकार बाँडफाँट यायेमाःगु पक्षय् थःगु पार्टी दुगु धयादिसें सुयां नयाः नं ल्यनीगु व सुयां धाःसा: न्हिचच्छि खटे जुसां नये मदइगु अवस्थां मुक्त यायेगु थःपिगु उदेश्य जूगु धयादिल ।
अथेहे वय्कलं खुन्हु तक आन्दोलन जुसां सत्तारुढ दलत कुम्भकर्ण थें द्यनाच्वंगु धयादिसें सत्तारुढ दलतय्सं थःगु युवा संगठनतय्त माओवादीया शान्तिपूर्ण विरोध प्रदर्शनय् प्रतिकारया ययेत छ्वयाः हिंसा ब्वलंकेत स्वयाच्वंगु द्वपं बियादिल ।
