विष दुगु लः मिउगु धासें मिसायात दाल

एनेकपा (माओवादी)या आन्दोलनय् ब्वति काःवपिं आन्दोलनकारीतय् विष दुगु लः त्वंकाः स्यायेत स्वःगु धासें आन्दोलनकारीतय्सं छम्ह मिसायात दाःगु दु । लःख्य् विष ल्वाकाछ्यानाः मिउगु द्वपंनय् माओवादीं दाःया घाःपाः जूम्ह गंगा अधिकारी नांया मिसायात वीर अस्पतालय् भर्ना याःगु दु ।

माओवादीतय्सं म्हिग उम्ह मिसां मानवअधिकारवादीतय्सं लः न्याःवःगुइलय् दक्वं बुक जुइधुंकल धकाः मब्यूगु तर माओवादी कार्यकर्तातय्त जक ब्यूगु द्वपं ब्यूगु दु । उखे घाःपाः जूम्ह अधिकारीं डाक्टरत नाप खँल्हाबंला यासें थःगु भातं नं त्वःतुगु, छेँय् याकाचा जूगु व जीवन खनां वाक्क वःगुलिं थःम्हं हे न्येत विष हया:गु खँ धाःगु दु ।