शान्ति र्याली क्वचाल
राजनीतिक गतिरोधया निकास व शान्तिया लागि पेशागत संघसंगठनतय्सं थौं सुथय् बसन्तपुलिइ छगू वृहत शान्ति र्याली व सभा याःगु दु । सुभाय् द्वलंद्वः मनूत उपस्थित जूगु खः ।
राजनीतिक दलत दथुइ अप्वयावंगु राजनीतिक गतिरोध लिपा शान्ति प्रकृया व संविधान जारी जुइगु खँ नं छखे लायेवं उगु ज्याझ्वःया ग्वसाःग्वःगु खः । नकतिनि क्वचाःगु ज्याझ्वलय् लोकंह्वाःपिं हास्य कलाकार मदनकृष्ण श्रेष्ठ व हरिवंश आचार्यं लोकंह्वाःगु टेलिसिरियल मदनबहादुर हरिवहादुरया पात्र जुयाः न्ह्यब्वःगु बःचाहाकःगु नाटक नं न्ह्यब्वःगु खः । नाटक मार्फत देशय् थप हिंसा मजुइमा धकाः इनाप याःगु दु ।
सभायात नेपाल उद्योग वाणिज्य महासंघया अध्यक्ष कुशकुमार जोशी, नेपाल बार एशोसियसनया अध्यक्ष प्रेमबहादुर खड्का लगायतं सम्बोधन यासें सहमति याना: न्ह्या: वनेत दलत्यत इनाप यासें निन्हुया दुने शान्ति सम्झौता यायेत इनाप याःगु दु
सभा सिधयेवं स्वतः स्फुर्त रुपं बन्दया विरोधय् नाराबाजी सहित जुलुस पिदंगु दु ।
