कन्हय् शान्ति र्याली व सभा
आम हड्तालं देय् छगूलिं अस्तव्यस्त जुयाच्वंगु इलय् थीथी पेशागत संघसंगठनतय्सं कन्हय् सुथय् गुताः इलय् येँया बसन्तपुली छगू तःजिगू र्याली व सभा यायेत्यंगु दु । राजनीतिक दलत दथुइ अप्वयावंगु राजनीतिक गतिरोध लिपा शान्ति प्रकृया व संविधान जारी जुइगु खँ नं छखे लायेवं उगु ज्याझ्वःया ग्वसाःग्वःगु खः ।
बिहीवाः येँया रिपोटर्स क्लबय् छगू पत्रकार सम्मेलन यासें ग्वसाः खलकं दलतय्त दबाव बीत यायेत्यंगु थुकथंया दबाव मुलक ज्याझ्वलय् ब्वति कायेत दक्वसितं इनाप याःगु दु । नापं उमिसं शान्ति र्यालीया बारे मखुकथं प्रचार जुयाच्वंगु धासें थ्व छुं नं पार्टी विशेषया विरोधय् मजूगु खँ धाःगु दु ।
नेपाल उद्योग वाणिज्य महासंघ, नेपाल चेम्बर अफ कमर्श, नेपाल चिकिस्तक संघ लगायत थीथी पेशागत संघसंगठन नापं कालाकार, प्राध्यापकतय्सं मंकाः कथं थुगु शान्ति र्याली व सभाया ग्वसाःग्वःगु खः ।
