आः न्हि प्यघौ बजाः चालिगु

एकीकृत नेकपा (माओवादीं) यानाच्वंगु आम हड्तालया कारणं ठप्प जुयाच्वंगु बजाः आः न्हि प्यघौ चालिगु जूगु दु । बिहीवाः बहनी च्वंगु माओवादी स्थायी समितिया बैठकं न्हि खुताः इलं निसें झिताः ई तक बजाः चालेबीगु निर्णय याःगु दु । थ्वस्वयां न्ह्यः माओवादीं सनिलय् खुताः इलं निसें च्याताः ई तक निघौयात निंतिं बजाः चायेके छुत बियातःगु खः ।

अथेहे बैठकं बन्दया इलय् तरकारी क्वबुइगु सवारी साधन कन्हय् निसें चलेजुइबीगु निर्णय याःगु दु । थ्वस्वयां न्ह्यः फोहोर मुनेगु, दुरु, प्रेस, एम्बुलेन्स, कुटनीतिक नियोग व लया ट्यांकरयात जक चले जुइबीयातःगु खः ।