कर मपूगु ब्वनेकुथियात कारवाही यायेगु अर्थमन्त्रीया ख्याच्वः

क्वःछिनातःगु कर मपूगु ब्वनेकुथियात सरकारं कडा कारवाही याइगु जूगु दु । अर्थमन्त्री डाक्टर बाबुराम भट्टराईं निगू कथंया शिक्षा प्रणाली अन्त्य जुइमाःगु धयादिसें क्वःछिनातःगु कर मपूगु ब्वनेकुथियात कडा कारवाही यायेगु ख्याच्वः बियादीगु खः । अमृत साइन्स क्याम्पसय् अखिल क्रान्तिकारीं याःगु लसकुस ज्याभुवलय् अर्थमन्त्री भट्टराईं नियतबस बैंकया ऋण मपूिपं विरुद्ध नं कडा पलाः न्ह्याकेगु धयादिल । विज्ञान व प्रविधियात सर्वसाधारणया पहुँचय् थ्यंकेगु सरकारया लक्ष्य दुगु धयादिसें वय्कलं तत्काल आर्थिक व सामाजिक रुपान्तरण मयात धाःसा राष्ट्रिय स्वतन्त्रता हे खतराय् लायेपुूगु अवस्था वःगु धयादिल । अग्रगमन व यथास्थितिवादी पश्चगमनया दथुइ द्वन्द्व जूगु धासें मन्त्री भट्टराईं यथास्थितिवादीं पंगः थनेत स्वलधाःसा हाकनं सतकय् कुहाँवयेत नं लिफ मस्वयेगु ख्याच्वः बियादिल । अर्थमन्त्री भट्टराईं सरकारं विज्ञान व प्रविधियात उच्च प्राथमिकता बियागु धासें अमृत साइन्स क्याम्पसयात फक्वः ग्वहालि यायेगु प्रतिवद्धता नं बियादिल । मन्त्री भट्टराईं जीर्ण अवस्थाय् लाःगु क्याम्पसया भवनया अवलोकन नं यानादीगु दु ।