अनमिनया म्याद प्यलाः थप यायेत पौ छ्वल
नेपाः स्थित संयुक्त राष्ट्रसंघीय अन्तर्राष्ट्रिय मिसन अनमिनया म्याद प्यलाः थप यायेत प्रधानमन्त्री माधवकुमार नेपालं राष्ट्रसंघया सुरक्षा परिषदयात बिहीवा: पौ छ्वःगु दु ।
नेपाःया शान्ति प्रकृया अझ क्वमचाःगु व माओवादी लडाकुया समायोजन व व्यवस्थापन यायेगु ज्या अझ ल्यँ दनीगु धासें अनमिनया म्याद प्यलाः थप यायेत इनाप यासें प्रधानमन्त्री उगु पौ छ्वयादीगु खः । छवाः न्ह्यः जक मन्त्रिपरिषदं अनमिनया म्याद तनेगु व मतनेगु निर्णय यायेगु जिम्मा प्रधानमन्त्रीयात ब्यूगु खः ।
अनमिन प्रमुख करिन ल्यानग्रेन सुरक्षा परिषद्या बैठकय् ब्वति कायेत न्यूयोर्क वने न्ह्यः अनमिनया बारे निर्णय याकनं यायेत प्रधानमन्त्रीयात इनाप यानादीगु खः । थ्वहे वइगु मे १५ तारिख कुन्हु अनमिनया म्याद क्वचायेत्यंगु दु । सरकारं थ्वस्वयां न्ह्यः खुक्वः तक अनमिनया म्याद तनेधुंकूगु दु ।
