आन्दोलनयात थप शान्तिपूर्ण दयेकेगु निणर्य
आक्रमण याःसा प्रतिकार यायेगु रणनीति
एकीकृत नेकपा (माओवादीं) थःपिनिगु आन्दोलन शान्तिपूर्ण जुयाच्वंगु निष्कर्ष पिकासें थप शान्तिपूर्ण दयेकीगु निर्णय याःगु दु । माओवादीं छुंछुं थासय् सामान्य ल्वापु व तोडफोड जूगु धासें यक्व थासय् थःपिनिगु आन्दोलन शान्तिपूर्ण जूगु खँ धाःगु दु ।
बिहीवाः च्वंगु पार्टीया स्थायी समितिया बैठकं थःपिनिगु आन्दोलन शान्तिपूर्ण जुसां छुं प्रतिगामि तत्वतय्सं आन्दोलनयात उत्तेजित दयेकेत आक्रमण याःगु खँ धाःगु दु । अथेहे बैठकं अज्याःगु आक्रमण याइपिंत प्रतिकार यायेगु निर्णय नं याःगु दु । माओवादीं सरकारी शक्तिया आडय् आन्दोलनय् अज्याःगु तत्वं प्रतिकार याःगु निष्कर्ष पिकाःगु दु ।
माओवादी प्रवक्ता दिनानाथ शर्मां आन्दोलनकारीतय्त प्रतिगामी तत्वतय्सं योजनाबद्ध तरीकां आक्रमण याःगु कनादिसें उमित प्रतिकार यायेगु कनादिल । वय्कलं लोकतन्त्रय् शान्तिपूर्ण प्रदर्शन यायेगु दइगु प्रतिपक्षी दलया अधिकारय् हस्तक्षेप जूगु धयादिसें थ्व पञ्चायती शैलीया आक्रमण जूगु दावी यानादिल ।
