प्रम दाहालं सरकार असफल जूगु स्वीकार

सत्तारुढ दल दुनें सरकारया ज्याखँया कुँ खिनाच्वंगु इलय् प्रधानमन्त्री पुष्पकमल दाहालं हे सरकार असफल जूगु स्वीकार यानादीगु दु । मानवअधिकार सरोकार केन्द्रं थौं येँ याःगु ज्याभुवलय् प्रधानमन्त्री दाहालं सरकारं बिचाःया कथं जनताया पक्षय् ज्या याये मपुूगु स्वीकार यानादीगु दु । जनतां ह्यूपाःया अनुभूति यायेमखंगु स्वीकार यानादिसें वय्कलं सरकारया ज्या प्रति थः स्वयंम असन्तुष्ट जूगु स्पस्ट यानादिल । प्रधानमन्त्री दाहालं न्हूगु संविधान च्वयेगु व शान्ति प्रकि्रयायात निष्कर्षय् थ्यंके मबिइत थीथी ख्यलं कासा म्हिताच्वंगु दाबी नं वय्कलं यानादिल । वंगु दिनय् मानवअधिकारया सवालय् राज्य गबलें गम्भीर मजूगु धयादिसें प्रधानमन्त्री दाहालं आःया इलय िभंकेगु खँय् पहल जुयाच्वंगु धयादिल । ज्याभुवलय् नेपालय् मानवअधिकारया स्थिति सुधे्रमजूगु धयादिसें नेपालस्थित संयुक्त राष्ट्रसंघीय मानवअधिकार उच्चायुक्त ज्याकूया प्रमुख रिचर्ड बेनेटं संविधान निर्माणया भुवलय् मानवअधिकारया विषययात प्राथमिकताय् तयेत छ्याता बियादिल । उगु हे ज्याभुवलय् मानवअधिकारवादी नेता पद्मरत्न तुलाधायात सम्मान याःगु खः।