प्रहरीया मोटरसाइकलं आन्दोलनकारी मंत

येँ (सन्ध्या टाइम्स)/माओवादी आन्दोलनय् वयाच्वंम्ह छम्ह कार्यकर्ता सशस्त्र प्रहरीया मोटरसाइकलं क्यलाः सीगु दु। सशस्त्रया सई संगम केसीं चले याना वःगु बा. ११ प ५८८९ नम्बरया मोटरसाइकलं कास्कीया गणेश सुवेदीयात वंगु चान्हय् ११ बजे क्यःगु खः। उकी लानाः मेम्ह कार्यकर्ता बुद्धि सागर ओझा नं घाःपाः जूगु दु। कार्यकर्तातय्सं केसीयात ज्वनाः प्रहरीयात लःल्हायेधुंकूगु दु। केसीं अय्लाः त्वनाः मोटरसाइकल चले याना वःगु खँ धाःगु दु ।