बुद्ध मूर्ति दान

येँ (सन्ध्या टाइम्स)/आपालं बौद्ध विहारय् गुलुपाः दान यानादीम्ह भाजु जीवरत्न स्थापितं (गुलुपाःरत्न) ख्वपया सिद्धि शालिग्राम वृद्धाश्रमयात छगू बुद्ध मूर्ति दान यानादीगु दु। वृद्धाश्रम संचालक सिद्धि स्मृति प्रतिष्ठानया बुन्हिया लसताय् वंगु अनला पुन्हि कुन्हु जूगु छगू ज्याझ्वलय् वय्कलं उगु बुद्ध मूर्ति दान यानादीगु खः। वृद्धाश्रमया वृद्धवृद्धापिनि नित्य पुजा जुइथाय् उगु मूर्ति तइगु खः ।

थ्व धुंकाः वय्कलं आः धापाखेल स्थित बुद्ध विहारय् नं बुद्ध मूर्ति दान यायेगु ग्वसाः दयेकादीगु दु। वय्कलं थ्व स्वयां न्ह्यः आपालं थासय् गुलुपाः दान यानादीगु खःसा आः बुद्ध मूर्ति दान यायेगु शुरु यानादीगु खः ।