होटलय् छम्ह मिसा सिनाच्वन

येँया ठमेलय् च्वंगु होटल युनिभस्रलय् थौं सुथय् छम्ह मिसाया सीम्ह लुयावगु दु । अर्धनग्न अवस्थाय् होटलया २०४ नम्वरया कोठाय् लुयावम्ह अन्दाजी नीदँं दुम्ह कविता पाठकयात स्यानाब्यूगु प्रहरीं आशंका याःगु दु । सीम्ह नियन्त्रणय् कायेवं हे प्रहरींं अनुसन्धानया निितं होटल संचालक रेशम पुलामीयात ज्वंगु दु । मिसायात वंगु बहनी स्यानाब्यूगु प्रहरीं अनुमान याःगु दु । प्रहरीं थ्व विषयसं थप अनुसन्धान यानाच्वंगु दु ।