पेशागत संगठनतय्सं हड्ताल लितकायेत इनाप
थीथी पेशागत संगठनतय्सं एनेकपा (माओवादीं) यानाच्वंगु आम हड्तालया कारणं जनजीवनय् गम्भीर लिच्व लाःगु धासें उकीयात लितकायेत इनाप याःगु दु ।
खुगू पेशागत संगठनतय्सं बुधवाः छगू मंकाः विज्ञप्ति पिथना उमिसं आम हड्ताल तत्काल स्थगन यानाः संवैधानिक प्रकृया पाखें समस्याया समाधानयात केन्द्र भागय् तया समसया समाधान यायेत सम्बद्ध पक्षयात इनाप याःगु दु ।
शान्ति सम्झौता व संविधानयात केन्द्रय् तया दक्वं समस्या वार्ता पाखें समाधान यायेत व मानव अधिकार हननया दकवं घटना तत्का दिकेमाःगु आवश्यकता महशुह यानाः बृहत शान्ति भेलाया ग्वसाःग्वयेगु निर्णय नं थीथी पेशागत संगठनतय्सं या:गु दु ।
उमिसं वार्तापाखें समस्या समाधानया निंतिं दबाव बीत शुक्रवाः सुथय् शान्ति भेलाया ग्वसाः ग्वयेगु खँ विज्ञप्ति न्ह्यथंनातःगु दु । नेपाल बार एशोसिएसन, चेम्बर अफ कर्मश, उद्योध वाणिज्य महासंघ, प्रेस युनियन, एन प्यावसन व नेपाल चिकित्सक संघं मंकाः विज्ञप्ति पिकायाःगु थुगु इनाप याःगु खः ।
