'दलतय्त बहिष्करण याये मालेफु'
येँ (सन्ध्या टाइम्स)/देशय् हानं ब्वलंगु द्वन्द्वया अवस्थापाखें मुक्तिया लागिं सहमति व सहकार्य यायेत दलतय्त दवाव सिर्जना यायेत व दवाव बियाः नं यदि छुं जुइ मफइगु अवस्था वल धाःसा दलतय्त हे बहिष्करण यायेगु अभियान सञ्चालन यायेत नेवाः जागरण मञ्चं अपिल याःगु दु ।
मञ्चया संयोजक सुजिव वज्राचार्यं थन छगू वक्तव्य पिकासें थौंया नेपाली जनताया चाहना धइगु न्हूगु संघीय संविधान पिकायेगु खः धासें थ्व ज्याय् पंगः वइ कथं राजनीतिक दलतय्सं सिर्जना यानाच्वंगु द्वन्द्वया अवस्था मदयेके थवंथवय् सहमति व सहकार्य यायेत नं दलतय्त इनाप यानादीगु दु ।
