आन्दोलनकारीत बिरामी जुल

एनेकपा (माओवादी)या अनिश्चितकालीन आम हडतालया निंतिं थीथी जिल्लां येँय् वःपिं माओवादी कार्यकर्तात धमाधम बिरामी जुयाच्वंगु दु । सफा लः व बांलागु खाना न्येमखना आन्दोलनकारीत बिरामी जूगु दु । आपालं बिरामीतय्त झाडाबान्ता जूगु खँ धाःगु दु ।

आः तक आन्दोलनया निंतिं वःपिं पीम्ह स्वयां अप्व माओवादी कार्यकर्तात बिरामी जूगु खँ धाःगु दु । येँया टेकुइ जक झिंन्याम्ह माओवादी कार्यकर्ता बिरामी जुयाः इमर्जेन्सीलय् वासः याकातःगु दु । उखे मोडेल अस्पतालय् झिंनिम्ह भर्ना जुइधुंकूगु दु ।

अथेहे सफा लः व न्ययेगु बांलागु व्यवस्था मदुगुलिं स्वनिगलं पिने नेपालगञ्जय् स्वसः व दाङय् झिंन्याम्ह माओवादी कार्यकर्तात बिरामी जूगु खँ धाःगु दु ।