अनमिनया बारे निर्णय यायेगु जिम्मा प्रमयात

‍नेपाः स्थित संयुक्त राष्ट्रसंघीय मिसन अनमिनया म्याद तनेगु बारे अन्तिम निर्णयया निंतिं प्रधानमन्त्रीयात जिम्मेवारी ब्यूगु दु ।

सोमवाः बहनी च्वंगु मन्त्रिपरिषदया बैठकं निवाः लिपा म्याद फुइत्यंगु अनमिनया म्याद बारे निर्णय यायेगु अधिकार प्रधानमन्त्री माधवकुमार नेपालयात ब्यूगु खः । आवश्यक जुसाः स्वलाः प्यलाः वा गुली ई तनेगु व अनमिनयात बियातःगु म्यान्डेट छुं संशोधन यायेमासाः उकीया निर्णय यायेगु अधिकार प्रधानमन्त्रीयात ब्यूगु दु ।

अनमिन प्रमुख करिन ल्यानग्रेनं सुरक्षा परिषदया बैठकय् ब्वति कायेत आइतवाः न्युयोर्क प्रस्थान याये न्ह्यः अनमिनया बारे याकनं निर्णय यायेत प्रधानमन्त्रीयात इनाप यानादीगु खः ।