प्रधानमन्त्रीया बारे सहलह तकं यायेफइमखु : ओली
नेकपा (एमाले)या वरिष्ठ नेता केपी शर्मा ओलीं प्रधानमन्त्री माधवकुमार नेपालं राजीनामा मबीगु खँ धयादीगु दु । वय्कलं राजीनामा बीगु लाः छु उकीया बारे सहलह तकं यायेमफइगु धयादिल । सरकार समर्थीत नीनिगू दलं थें थःम्हं नं प्रधानमन्त्री नेपालयात राजीनामा मबीत सुझाव बियाःगु धयादिल ।
प्रधानमन्त्री निवास बालुवाटारय् जूगु साक्षात्कार ज्याझ्वलय् वय्कलं माओवादीया आन्दोलनय् ब्वति काइपिं न्हिया न्हिथं म्हो जुयावनाच्वंगु दावी यानादिसें निद्वं प्यद्वं मस्त सकतय् वया हालेवं सरकार क्वमदलीगु धयादिल । वय्कलं आन्दोलनय् वःपिं माओवादी कार्यकर्तात बिरामी जूगु खँ न्ह्यथंनादिसें अज्याःपिंत छेँय् लितछ्वयेत इनाप यानादिल ।
माओवादीं आन्दोलन लितकयाः सहमतिलय् वःसा न्ह्याःगु नं विषलय् सहलह जुइफइगु धयादिल । समस्या समाधानया निंतिं संसद व संविधानसभा दुगु धयादिसें थनं हे समस्या समाधान यायेमाःगु धयादिल ।
अथेहे एमाले उपाध्यक्ष बामदेव गौतमं पार्टी नीति विपरित प्रधानमन्त्रीया राजीनामा फ्वंगु धयादिसें वय्कयात कारवाही यायेगु धयादिल । वय्कलं धयादिल, 'अनुशासन, अराजक कथं थंज्याःगु आपत्तिजनक व हानिकारक ज्या याइपिं कारवाही जुइ, कारवाही याये हे माः ।'
