थौं प्रेस दिवस हन
येँ (सन्ध्या टाइम्स)/थौं विश्व पे्रेस स्वतन्त्रता दिवस थीथी ज्याझ्वः यानाः विश्वन्यंकं हनाच्वंगु दु। दँय्दसं थौंया मे ३ तारिक कुन्हु विश्व प्रेस स्वतन्त्रता दिवस हनेगु याना वयाच्वंगु दु। थौं सूचनाया स्वतन्त्रता: सूचनाया अधिकार धइगु मू नारा थ्वयेकाः प्रेस स्वतन्त्रता दिवस हंगु खः। थ्व हे झ्वलय् नेपाल पत्रकार महासंघया ग्वसालय् नेपालय् नं थीथी ज्याझ्वः यानाः विश्व प्रेस स्वतन्त्रता दिवस हनाच्वंगु दु। प्रेस स्वतन्त्रता दिवसया लसताय् सुथय् न्हूबानेश्वरया संविधानसभा लागां नसंचा हुलेगु ज्याझ्वः यात। अथे हे संचारग्रामय् प्रेस स्वतन्त्रता स्मारकया शिलान्यास याःगु दु ।
