बम मखु जा-केँ
येँ (सन्ध्या टाइम्स)/माओवादी आन्दोलनया झ्वलय् येँय् नयेगु नसा धकाः तयातःगु बोरा दुने कथि व काकःचा तयातःगु लुया वःथें उखे वीरगंजय् धाःसा बम गोला धकाः प्वःचिनातःगु छगू बोरा दुने नयेगु नसा लुया वःगु दु ।
म्हिगः आमहडतालया झ्वलय् वीरगंजया सतक दुवातय् लाक्क उगु प्वः वांछ्वयातःगु लूगु खः। प्वः दुने बम दयेमाः धकाः मनूत आतंकित जुल। लिपा सेनाया बम डिफ्युजल पुचः हयाः उकियात निष्त्रि्कय यात। उगु इलय् उकी दुने ला जा, केँ व तरकारी तयातःगु मेगु छप्वः धकाःसा पिहां वल। थ्व खनाः स्वयाच्वंपिं तकं न्हिला हल ।
