राष्ट्रपति शासन लागू यायेत बिजुक्छेया सुझाव

नेपाल मजदुर किसान पार्टीया अध्यक्ष नारायणमान बिजुक्छें जेठ १४ गते संविधान निर्माण मजुसाः राष्ट्रपति शासन लागू यानाः संविधानसभाया म्याद तनेमाःगु खँ धयादीगु दु ।

सोमवाः पत्रकारत नाप खँल्हाबंला यानादिसें बिजुक्छें संविधान इलय् हे निर्माण मजुइगु व संविधानसभाया ई तनेमाःगुलिं उकीया निंतिं राष्ट्रपति शासन लागू यायेमाःगु धयादिल । इलय् हे संविधान निर्माण यायेमफइगुया जिम्मेवार संविधानसभा दुने दुगु दक्वं दल जूगु धयादिसें संविधानसभाया दकलय् तःधंगु दल जूगुलिं माओवादी अप्व जिम्मेवार जुइगु धयादिल ।

वय्कलं सतकं सरकार परिवर्तन यायेमफइगु धयादिसें संसदं हे निकास मालेमाःगु धयादिल । नापं वय्कलं आन्दोलनं समस्याया समाधन मालेगु स्वयां आन्दोलन त्वःता सहमतिलय् हे वयेत माओवादीयात इनाप यानादिल ।