'जेठ १० गते राजीनामा बी'

येँ (सन्ध्या टाइम्स)/प्रधानमन्त्री माधव नेपालं छुं शर्त सहित थ्वहे वइगु जेठ १० गते राजीनामा बीगु न्हूगु प्रस्ताव तयादीगु खँ सीदुगु दु ।

जेठ १० गते तकया दुने सेना समायोजन, वाईसीएल भंग व कब्जा यानातःगु सम्पत्ति लित बीगु स्वता खँय् सहमति दयेकाः थम्हं वकुन्हु हे बहनी राजीनामा बीगु प्रस्ताव तयादीगु खँ धाःगु दु। थम्हं १० गते राजीनामा बियाः ११ गते हे न्हूगु सरकार गठनया लँपु चायेका बीगु खँ नं धयादीगु दु। उगु सरकार प्रचण्ड बाहेक मेपिंसं गठन याये दइ मखु धइगु अडान नं वय्कलं त्वःतेगु खँ धयादीगु दु ।

माओवादीं थ्व प्रस्ताव पार्टीइ तये धाःगु दु। प्रमया थ्व प्रस्ताव एमालेया प्रस्ताव खः वा मखु धइगु खँ धाःसा सी मदुनि ।