माओवादी सांसदया किजा अपहरण
येँ (सन्ध्या टाइम्स)/माओवादी सभासद सन्तुमाया तामाङया किजायात अपहरण याःगु दु। सभासद तामाङया किजा सुमन वाइवां वंगु चान्हय् फोन यानाः थःत अपहरण याःगु जानकारी बियाहःगु खः। नुवाकोटया देउराली गाविस वडा नं. ८ याम्ह वाइवा वंगु बैशाख १६ गतेनिसें सम्पर्क मदयाच्वंगु खः। सभासद तामाङं कनादी कथं थः किजायात सुनां छाय् अपहरण याना यंकूगु खः धइगु खँ धाःसा आः तक सीके मफुनि ।
