बुद्ध जयन्ती समारोह समिति स्वन
येँ (सन्ध्या टाइम्स)/शाक्यमुनि गौतम बुद्धया जन्म, सम्बोधिलाभ व महापरिनिर्वाण दिवस २५५४ क्वःगु बुद्धजयन्ती थुगुसी थ्वहे वइगु जेठ १३ गते विहिवाः कुन्हु तःजिक न्यायेकेत संघउपनायक भिक्षु अश्वघोष महास्थविरया अध्यक्षताय् छगू मूल समारोह समिति गठन याःगु दु ।
उगु मूल समारोह समितिया उपाध्यक्ष पदय् भिक्षु धर्ममूर्ति, भिक्षु कोण्डन्य, रमेश मानन्धर व गौतम शाक्य च्वनादीगु दु। उकथं हे महासचिवय् संघरत्न शाक्य, सचिवय् शंकरराज सिंह, सहसचिवय् विजयरत्न ताम्राकार, कोषाध्यक्षय् माणिकरत्न शाक्य व सहकोषाध्यक्षय् स्वयमकृष्ण मानन्धर च्वनादीगु दु। कार्यकारिणी सदस्यय् धम्मवती गुरुमां, कुलधर्मरत्न तुलाधर, तुलसीकृष्ण मानन्धर, केदार शाक्य, ईश्वरमान सिंह, मोहनकृष्ण डंगोल, साहींलामान तुलाधर, चीजबहादुर गुरुङ, देउबहादुर रानामगर, लामा थुप्टेन जिग्डोल (फुपु छेम्बे शेर्पा), पुष्परत्न तुलाधर, अष्टमुनि गुभाजु, डा. लक्ष्मण शाक्य, पूर्णमान तुलाधर, पन्नाकाजी शाक्य व प्रकाश मानन्धर च्वनादीगु दु ।
मूल समारोह समितियात ग्वाहालि व सल्लाह बीत माननीय भिक्षु आनन्द, लोकदर्शन वज्राचार्य, प्रयागराजसिंह सुवाल, प्रा. सुवर्ण शाक्य, लक्ष्मीदास मानन्धर, बुद्धरत्न वज्राचार्य, नानीभाई स्थापित व श्यामकृष्ण मानन्धर सल्लाहकार कथं च्वनादीगु दु ।
बुद्ध जयन्तीया लसताय् थीथी ज्याझ्वःत यायेत थुगु समारोह समिति अन्तर्गत थीथी व्यक्तिपिनि संयोजकत्वय् थीथी उप समितित नं नीस्वंगु दु। उकी प्रचार-प्रसार तथा धर्मदेशना उपसमिति संयोजक भिक्षु संघरक्षित, समारोह प्रबन्ध तथा विहार श्रृङ्गार उपसमिति भिक्षु प्रज्ञारत्न, अतिथि सत्कार उपसमिति प्रयागराजसिंह सुवाल, अर्थ सङ्कलन उपसमिति स्वयम्कृष्ण मानन्धर, अस्थिधातु प्रदर्शन उपसमिति भिक्षु नारद, खाद्य व्यवस्थापन उपसमिति चन्द्रबहादुर मानन्धर, जलपान प्रबन्ध उपसमिति ईन्द्रनारायण मानन्धर, हिदान उपसमिति रामेश्वरप्रसाद श्रेष्ठ, जेबीपात्रो प्रकाशन उपसमिति रमेश मानन्धर, स्मारिका प्रकाशन उपसमिति भिक्षु कोण्डन्य, संयुक्त राष्ट्र संघ परिसरय् बुद्धजयन्ती ज्याझ्वः संचालन उपसमिति भिक्षु धर्ममूर्ति, बौद्ध कविगोष्ठी ज्याझ्वः उपसमिति मय्जु बेटी वज्राचार्य, स्वयमसेवक परिचालन उपसमिति भिक्षु पियदस्सि, न्ह्यसःलिसः कासा उपसमिति भिक्षु पदुम व भिक्षु जनक, परिसंवाद ज्याझ्वः उपसमिति गुह्यरत्न शाक्य व प्रचार प्रसार उपसमिति सहसंयोजक ईश्वरमान सिंह च्वनादीगु दु ।
