वाशिंगटनय् थौं सप्तविधानुत्तर पुजा याइगु
येँ (सन्ध्या टाइम्स)/नेपाःया नेवाः बुद्ध धर्मया विशेष पुजा धाइगु सप्तविधानुत्तर पुजा आः अमेरिकाय् नं याइगु जूगु दु। नेवाः अर्गनाइजेशन अफ अमेरिकाया ग्वसालय् थौं थ्व पुजा जुइत्यंगु दु। सप्तविधानुत्तर पुजायात लोकश्वरया पुजा कथं कायेगु याः। वाशिंगट डीसीया पोटामन स्थित हरेराम देगलय् थ्व पुजा यायेगु ग्वसाः जुयाच्वंगु दु ।
थ्व पुजाय् मू गुर्जुया रुपय् डा. नरेशमान वज्राचार्यं ब्वति कयादी। थौं कन्हय् डा. वज्राचार्य भर्जिनिया युनिभर्सिटीइ फुलब्राइट स्कलरशीपय् संलग्न जुयाच्वंगु दु। वय्कलं अमेरिकाया मेमेगु थासय् नं थज्याःगु शुद्ध बौद्ध पुजाया ग्वसाः ग्वयादीधुंकूगु दु ।
