कांग्रेस वर्तमान सरकारया निरन्तरताया पक्षय्

नेपाली कांग्रेसं एमाले नेतृत्वया वर्तमान सरकारं हे निरन्तरता कायेमाःगु खँ धाःगु दु । कांग्रेस केन्द्रीय कार्यसमितिया शुक्रवाः च्वंगु बैठकं माओवादीया सतक आन्दोलन व आमहड्तालया कारणं प्रधानमन्त्रीं राजीनामा बीमज्यूगु निष्कर्ष नं पिकाःगु दु ।

कांग्रेसया बैठकं प्रधानमन्त्री संवैधानिक प्रकृयां निर्वाचित जुयावःगु धासें सहमतिया प्रकृया वा संवैधानिक प्रकृयां जक निर्वाचित प्रधानमन्त्रीयात चीकेफइगु ठहर याःगु दु । नापं माओवादीयात आमहड्ताल लितकया सहमति व सहकार्ययय् वयते नं इनाप याःगु दु ।

अथेहे बैठकं विद्यालय व सरकारी भवन कब्जा यानाः च्वनाच्वंपिं माओवादी र्काकर्तातय्त अनं चीकेत सरकारयात इनाप याःगु दु । देशय् शान्ति सुरक्षा कायम यायेत सरकार न्ह्याःगु नं हदतक न्ह्या: वनेमाःगु निर्णय नं बैठकं याःगु दु ।