संवेदनशील क्षेत्रय् सुरक्षाया जिम्मा सेनायात
सुरक्षा परिषदं संवेदनशील क्षेत्रया जिम्मा नेपाली सेनायात ब्यूगु दु । शुक्रवाः सिंहदरवारय् प्रधानमन्त्री माधवकुमार नेपालया अध्यक्षताय् च्वंगु सुरक्षा परिषदया बैठकं बैंक, जलविद्युत, हवाई क्षेत्र लगायत संवेदाशील क्षेत्रया सुरक्षा जिम्मा सेनायात बीगु निर्णय याःगु दु । उगु बैठकय् उपप्रधानमन्त्री विजयकुमार गच्छदार, रक्षामन्त्री विद्यादेवी भण्डारी, गृहमन्त्री भीम रावल लगायत मन्त्रीत व सुरक्षा निकायाया प्रमुखतय् उपस्थिति दुगु खः ।
बैठकय् रक्षामन्त्री विद्या भण्डारीं लोकतन्त्र स्थापित यायेत व शान्ति सम्झौता भंग जुइगु स्थिति वःसा सेना परिचालन जुइफइगु धयादिल । वय्कलं माओवादी आन्दोलन हिंसात्मक जुसाः सरकारं बल छ्यलेत सेना परिचालन यायेफइगु धयादिल ।
अथेहे गृहमन्त्री भीम रावलं सरकारं सुरक्षा प्रबन्धयात व्यवस्थित यायेधुंकूगु धयादिसें माओवादी आन्दोलनय् बृहत्त शान्ति सम्झौता उल्लंघन यायेमबीगु दाबी यानादिल ।
