एमाले महाधिवेशन थौं शत्र

एमालेया च्याक्वःगु महाधिवेशन छन्हु लिबाक्क जूगु निवर्तमान मू छ्यााजे झलनाथ खनालया निसः व पीनिगू ताःहाकःगु राजनितिक व सांगठनिक प्रतिवेदनदथुइ सहलह जूगु दु । बन्द सत्रय् शंकर पोखरेल घनश्याम भुषाल लगायत राजनितिक प्रतिवेदनदथुइ एमालेया युवा कार्यकर्तातय्सं तयार याःगु पूरक प्रस्तावया लिसलिसे थीथी पुरक प्रस्तावतदथुइ नापं सहलह जूगु धाःगु दु । थ्वहे झ्वलय् एमाले नेता केपी शर्मा ओलीं एमालेया वइगु नेतृत्व केन्द्रीय दुजःपाखें मजूसे फुक्क महाधिवेशन प्रतिनिधितपाखें ल्ययेमाःगु धयादीगु दु । महाधिवेशनस्थलय् बन्द सत्र न्ह्यानाः झलनाथ खनालया प्रतिवेदन न्ह्यब्वःयाच्वंगु इलय् थौं बुटवलय् ओलीं पत्रकार सम्मेलन यानाः थज्याःगु खँ धयादीगु खः । पत्रकार नापलाये ज्याय् न्वंवानादिसें वय्कलं थः नायः पदय् दनेगु स्पष्ट संकेत नापं बियादीगु दु । नेतृत्वबारे पत्रकारं तःगु न्ह्यसलय् ओलीं नायलय् त्याकेगु निितं थःम्हं छु नं मनोवैज्ञानिक प्रभाव लाकेम्वाःगु दाबी यानादीगु दु ।