थनिनिसें निजी विद्यालय चाल

न्हूगु शैक्षिक सत्रय् नियम विपरीत शुल्क अप्वयेकूगु धकाः वंगु आइतवाः निसें माओवादी सम्बद्ध विद्यार्थी संगठन अखिल (क्रान्तिकारीं) यानाच्वंगु शैक्षिक हड्ताल लितकायेवं थनिनिसें देय्न्यंकया दक्वं निजी व आवासीय विद्यालयया पठन पाठन सुचारू जूगु दु ।

बिहीवाः निजी विद्यालयया प्रतिनिधि व आन्दोलनरत विद्यार्थी संगठनया प्रतिनिधित दथुइ जूगु वार्ताय् नीन्हु दुने वैज्ञानिक व व्यवहारिक तरिकां न्हूगु शुल्क निर्धारण यायेगु लगायत स्वंगू बुँदे सहमति जूगु खः । सहमति लिपाः निजी विद्यालयतय्सं थःपिंसं अप्वयेकूगु शुल्क लितकाःगु खःसा क्रान्तिकारी विद्यार्थी संगठन थःपिंसं यानाच्वंगु आन्दोलन लितकाःगु खः ।