परीक्षा न्ह्यः हे बजारय् न्ह्यसःपौ

येँ (सन्ध्या टाइम्स)/उच्च माध्यमिक शिक्षा परिषद अन्तर्गत थनिंनिसें न्ह्याःगु झिंनिगू तगिंया परीक्षाय् जाँच शुरु जुइ न्ह्यः हे न्ह्यसःपौ पिहां वःगु दु। थुकिं यानाः देय्या थीथी जिल्लाय् थौंया जाँच हे स्थगित यायेमाःगु खँ सीदुगु दु। येँया सोह्रखुट्टेस्थित सिग्मा कलेज व यलया पाटन उच्च माविइ परीक्षा सुरु जुइ न्ह्यः हे थौं जुइमाःगु अंग्रेजी विषयया न्ह्यसःपौ पिहांवःगु खः। उकियात विद्यार्थीतय्सं फोटोकपी यानाः काःगु खः। अथे हे रोल्पाया बालकल्याण उच्चमावि, जलजला क्याम्पस, रुकुमया छगू क्याम्पसय् नं परीक्षा जुइ न्ह्यः हे न्ह्यसःपौ पिहां वःगु खः। न्ह्यसःपौ पिहां वयेवं नारायणगढया बालकुमारी कलेज, मैयादेवी कन्या कलेज, सप्तगण्डकी बहुमुखी क्याम्पस, पूर्वी चितवनया इन्टरनेशनल कलेज व शहिद स्मृति बहुमुखी क्याम्पसया विद्यार्थीतय्सं परीक्षा बहिष्कार याःगु दु। थनिंनिसें न्ह्याःगु उगु परीक्षा जेष्ठ ११ गते तक जुइमाःगु खः ।