संवैधानिक निकाया सिफारिस कार्यान्वन यायेमते

संवैधानिक परिषदं थीथी प्यंगू संवैधानिक निकायलय् नियुक्तिया निंतिं याःगु सिफारिस तत्काल कार्यान्वयन मयायेत सर्वोच्च अदालतं आदेश ब्यूगु दु ।

संवैधानकि परिषदं याःगु निर्णय असंवैधानिक जूगु धासें उकीयात खारेज यायेमा:गु धका: परिषदया दुज नापं जुयादीम्ह एनेकपा (माओवादी)या अध्यक्ष पुष्पकमल दाहाल 'प्रचण्डं' दायर यानादीगु रिटय् सर्वोच्चं थंज्याःगु आदेश ब्यूगु खः । बिहीवाः न्यायाधिशत बलराम केसी, राकुमारप्रसाद शाह व मोहनप्रकाश सिटौलाया विशेष इजलासं थुगु मुद्दाया बारे निर्णय मजुतल्ले निर्णय कार्यान्वयन मययोत आदेश ब्यूगु खः ।

आदेशय् विपक्षीया नांमय् लिखित लिस: बीत पौ छ्वयेधुंकूगु व लिसः वःगु न्हय्न्हु लिपाः सुनुवाई जुइगु खँ धाःगु दु ।