लोकतन्त्रया चरित्र हिलेमाः

प्रधानमन्त्री पुष्पकमल दाहाल प्रचण्डं लोकतन्त्रया जगयात अझ धिसिलाकेत व तःब्याकेत थुकिया चरित्रय् हिउपाः हयेमाःगु धयादीगु दु । लोकतन्त्रं फुक्क तह व तप्काया समुदाययात सार्वभौम व बहुपक्षीय विकासया निितं ह्वताः बिइत नं प्रधानमन्त्री प्रचण्डं धयादीगु दु । न्ययेगुक्वःगु राष्ट्रिय प्रजातन्त्र दिवसया लसताय् टुडिँखेलय् थौं ग्वसाः ग्वःगु छगू समारोहयात सम्बोधन यानादिसें प्रधानमन्त्री प्रचण्डं मानव अधिकार प्रेस स्वतन्त्रता आवधिक निर्वाचन कानुनी शासन थेंज्याःगु खँत लोकतन्त्रया विषेशता जूगु न्ह्यथनादीगु दु । प्रधानमन्त्री प्रचण्डं लोकतन्त्रया सुनिश्चिततां जक सुं नं नागरिकं राज्यपाखें उपेक्षित जूगु तायेकेम्वाःगु स्थितिया निर्माण जुइगु धयादीगु दु । वय्कलं राजनीतिक हिउपाः वःसां सामन्ती कार्यप्रणाली ल्यं दनीगु धयादिसें थुकियात िभंकेत सरकारया वइगु िदंसं केन्द्रीत जुइगु धयादीगु दु । मुलुकय् दुगु फुक्क प्रमुख सवालय् राजनीतिक दलतदथुइ बृहत सहमति दयेकाः न्हूगु संविधान निर्माण यायेत वर्तमान सरकार प्रतिबद्ध दुगु प्रधानमन्त्री प्रचण्डं धयादीगु दु । थ्वहे झ्वलय् जहानियाँ राणाशासन क्वचायेधुंकाः नेपालय् प्रजातन्त्रया पलिस्थाया घोषणा जूगु िदंया लुमन्तिइ थौं थीथी ज्याझ्वः यानाः हंगु दु । टुडिँखेलय् ग्वसाः ग्वःगु समारोहसं राष्ट्रपति डा।रामबरण यादव उपराष्ट्रपति परमानन्द झा प्रधानमन्त्री पुष्पकमल दाहाल प्रचण्ड मन्त्रीत संबैधानिक निकायया प्रमुख लगायतया ब्वति दुगु खः । उगु हे झ्वलय् सेनां राष्ट्रपति डा।रामवरण यादवयात सलामी बियादीगु खः । न्हापांगु दँय् राष्ट्र प्रमुखयाकथं गिरीजाप्रसाद कोईरालां सलामी कयादीगु खः । थ्व स्वयां न्ह्यः जुजुिपंसं सेनाया सलामी कयाः वयाच्वंगु खः । नापं ज्याझ्वलय् थीथी सांस्कृतिक ज्याझ्वः नं न्ह्यःब्वःगु खः । अथेहे राष्ट्रिय खेलकुद परिषदं थीथी गतिविधित नं न्ह्यःब्वःगु खः । देय्या थीथी थासय् नं थीथी ज्याझ्वः यानाः थुगु दिवस हंगु खः ।