व्यवस्थापिका संसदं शोक प्रस्ताव पारित

व्यवस्थापिका संसदया बिहीवाः च्वंगु बैठकं सभासद् दामोदर चौधरीया निधनय् शोकप्रस्ताव पारित याःगु दु । मदुम्ह चौधरी नेकपा (माले)या पाखें दाङ जिल्लां संविधानसभा व व्यवस्थापिका संसदय् समानुपातिक प्रतिनिधित्वया आधारय् निर्वाचित जुयादीगु खः ।

चौधरी बिहीवाः सुथय् येँया मोडेल अस्पतालय् वाःस जुयाच्वंगु इलय् मदुगु खः । बैठकं मदुम्ह चौधरीया आत्माया चिरशान्तिया कामना व शोकसन्तत छेँजः प्रति सम्वेदना प्रकट याःसें छगू मिनेट मौन घारण याःगु ख: ।

व्यवस्थापिका संसदया मेगू बैठक बैशाष २० गते सोमवाः निताः इलय् च्वनीगु जूगु दु ।