क्रान्तिकारी नाप वार्ता यायेत सरकार पाखें समिति गठन

सरकारं आन्दोलनरत अखिल (क्रान्तिकारी) विद्यार्थी संगठननाप वार्ता यायेत शिक्षा मन्त्रालयया सहसचिव महाश्रम शर्माया संयोजकत्वय् छगू समिति गठन याःगु दु । वार्ता पुचलय् मध्यमाञ्चल क्षेत्रीय निर्देशक बलराम केसी व शिक्षा विभागया उप निर्देशक जीवन शर्मा पौडेल च्वनादीगु दु ।

मन्त्रालयं छगू विज्ञप्ति पिथना वार्ता समिति गठन यानाःगु जानकारी ब्यूसें दक्वं सम्बन्धित पक्षत अखिल (क्रान्तिकारी), प्याब्सन, अभिभावक संघयात थुगु ज्याय् ग्वाहालि यायेत इनाप याःगु दु । नापं मन्त्रालयं क्रान्तिकारीयात तत्काल बन्द ज्याझ्वः लितकयाः वार्ताय् च्वनेत नं इनाप या:गु दु ।

क्रान्तिकारी विद्यार्थीतय्सं न्हूगु शौक्षिक सत्र निसें निजी विद्यालयतय्सं नियम विपरीत शुल्क अप्वयेकूगु धासें आइतवाः निसें देय्न्यंकया विद्यालय बन्द याना: आन्दोलन यानाच्वंगु दु ।