आन्दोलन शान्तिपूर्ण जुइ : भट्टराई
एकीकृत नेकपा (माओवादी)या उपाध्यक्ष डा. बाबुराम भट्टराईं थःपिंसं मजदुर दिवसया कन्हय् कुन्हु निसें यायेगु धाःगु अनिश्चितकालीन आमहड्ताल शान्तिपूर्ण जुइगु खँ धयादीगु दु ।
मंगलवाः भट्टराईयात नापलायेत वय्कया शान्तिनगरय् च्वंगु छेँय् थ्यंकूपिं कलाकारतय्त वय्कलं शान्ति व संविधानया निंतिं थःपिसं आन्दोलन यायेत्यनाःगु धयादिसें थ्व शान्तिपूर्ण जुइगु आस्वासन बियादीगु खः ।
वय्कलं माओवादीं यायेत्यंगु आन्दोलन थःपिनिगु बाध्यता जूगु धयादिसें संविधान निर्माण व स्थायी शान्तिया निंतिं आन्दोलन यायेत्यनाःगु धयादिल । उगु इलय् कलाकारतय्सं आन्दोलनयात शान्तिपूर्ण दयेकेत इनाप यासें संवादयात प्राथमिकत बीत नं इनाप याःगु खः ।
कलाकरत मदनकृष्ण श्रेष्ठ, हरिवंश आचार्य, आनिछोयिङ दोल्मा, राजेश हमाल, निखिल उप्रेति लगायत कालाकारत नेता भट्टराईयात नापलानाः थ्व इनाप याःगु खः ।
