खेलकुद मन्त्री स्वघौ तक मजदुरया घेराबन्दीइ
जनकपुर चुरोट कारखानाया मजदुरतय्सं युवा व खेलकुद मन्त्री गणेश नेपालीयात स्वघौ घेराउ याःगु दु । तराई मधेश लोकतान्त्रिक पार्टीया कार्यकर्तातय्सं जनकपुर चुरोट कारखानाया सुरक्षा गार्डयात दाःगु घटनां आक्रोशित मजदुरतय्सं मंगलवा: मन्त्री नेपालीयात घेरउ याःगु खः ।
मजदुरतय्सं याःगु घेराउ पाखें स्थानीय प्रशासनं कडा सुरक्षा दथुइ मन्त्री नेपालीयात उद्धार याःगु खः । उगु इलय् सुरक्षाकर्मी व मजदुरत दथुइ अप्पां कयेकाः ल्वापु तकं जूगु खः । अप्पां लानाः छुं सवारी साधनया न्ह्याकं तज्यागु खँ प्रहरीं धाःगु दु । अथेहे ल्वापुइ लानाः प्रहरी व मजदुर पाखे यानाः छगू दर्जन स्वयां अप्वः समान्य घाःपाः जूगु दु ।
सोमवाः निसें जनकपुरय् सुर जूगु राष्ट्रपति कपया उल्लेज्या याना: सोमवाः कारखानाया अतिथि गृहलय् च्वनाच्वनादीम्ह मन्त्रीयात घेराउ यायेत मजदुरतय्सं कारखानाया मू लुखाय् हे तालाबन्दी याःगु खः ।
