ग्रिनेड नापं माओवादी लडाकु ज्वन

माओवादी आन्दोलनया निंतिं येँ वयाच्वंपिं माओवादी लडाकुतय्त चितवन प्रहरीं थौं सुथय् ग्रिनेड नापं ज्वंगु दु । उच्च प्रहरी स्रोतया कथं वइगु १८ गते जुइत्यंगु ज्याझ्वःया निंतिं येँ वयाच्वंपिं प्लाटुन भाईस कमाण्डर सन्तोष राईया नापं ग्रिनेड बरामद याःगु दु ।

सिन्धुलीं लडाकुत येँ वयाच्वंगु सुचं वयेवं प्रहरीं लडाकुया गाडी आकाझाकां छापा मारेयाःगु खः । प्रहरीं पीन्हय्म्ह मिजं लडाकु व न्याम्ह मिसा लडाकुतय्त नियन्त्रणय् काःगु दु । प्रहरीं तुरुन्त खानतलास याना इमिगु म्हसिका पुवनेवं थःपिं कार्यकर्ता धकाः दाबी याःगु दु । लडाकुत नियन्त्रणय् कायेवं चितवन प्रहरीयात तुरुन्त नियन्त्रण मुक्त यायेत दबाव वःगु स्रोतं धाःगु दु । स्रोतया कथं माओवादी दबाबया हुनि प्रहरीं जानकारी धाःसा मब्यूनि ।