बेलायती पुचः व प्रम

नेपाल भ्रमणया झ्वलय् दुम्ह बेलायती संसदीय पुचलं थौं सुथय् प्रधानमन्त्री पुष्पकमल दाहाल प्रचण्डलिसे नापलानादीगु दु । थौं सुथय् प्रधानमन्त्री निवास बालुवाटारय् जूगु उगु नापलायेगु झ्वलय् उगु पुचलं नेपाःया संविधान निर्माण सेना समायोजन व निगू पक्षीय ग्वाहालिया विषयसं सहलह याःगु खः । उगु हे झ्वलय् प्रधानमन्त्री पुष्पकमल दाहाल प्रचण्डं क्वःछ्यूगु इलय् हे न्हूगु संविधान निर्माण जुइगु शान्ति प्रकि्रयायात निष्कर्षय् थ्यंकेत सरकार प्रतिबद्ध दुगु धयादीगु दु । नापं नेपाःया संविधान निर्माण व आर्थिक विकास थेंज्याःगु विषयसं गुकथं ग्वाहालि यायेफइ धकाः उगु पुचलं च्यूताः तःगु खः । थौं हे उगु प्रतिनिधि मण्डलया प्रमुख सर जोन स्टेनलें छगू विज्ञप्ती पिथना नेपाःया संविधान निर्माणय् बेलायतं महत्वपूर्ण ग्वाहालि यायेगु धयादीगु दु ।