नासिद व गिलानी नेपालय्

येँ (सन्ध्या टाइम्स)/मालदिभ्सया राष्ट्रपति मोहमद नासिद व पाकिस्तानया प्रधानमन्त्री युसुफ राजा गिलानी थौं नेपाः वइगु जूगु दु। झिंखुक्वःग सार्क शिखर सम्मेलनय् ब्वति कायेत भूटान वनेगु झ्वलय् वय्कःपिं थौं नेपाः वयेत्यंगु खः। न्हिनय् पाकिस्तानया प्रधानमन्त्री गिलानी व चान्हय् माल्दिभ्सया राष्ट्रपति नासिद नेपाः वयेत्यंगु खः। वय्कःपिंसं राष्ट्रपति डा. रामबरण यादव व प्रधानमन्त्री माधवकुमार नेपालयात नापलानादी। कन्हय् नेपाल नापं वय्कःपिं थिम्पु झाइगु ग्वसाः दु ।