अपांगतय् हुलाप्याखं
येँ (सन्ध्या टाइम्स)/वातावरण दत धाःसा अपांग मस्त नं सपांग थें सबल जू धइगु सन्देश बीत राष्ट्रिय नाचघरय् अपांग मस्तय् छगू हुलाप्याखं ज्याझ्वः जुल। ज्याझ्वलय् थीथी मस्तय्सं खुपु हुलाप्याखं न्ह्यब्वःगु खः। ज्याझ्वलय् चरण प्रधानं अपांग मनूतय् नुगः व दिमाग धाःसा सपांग जुइगु खँ कनादिल। ज्याझ्वलय् प्याखं न्ह्यब्वः वःपिं मस्तय्त स्पाइनल इन्जुरी पुनर्स्थापना केन्द्र, आशा बाल बालिका सेवा, एसओएस बालग्राम व सिविनं प्रशिक्षण बिउगु खः ।
