प्रधानमन्त्री व ब्लेक दथुइ खँल्हाबंला
प्रधानमन्त्री माधवकुमार नेपाल व अमेरिकी उपसहायक विदेशन्त्री रोबर्ट ओ. ब्लेक दथुइ खँल्हाबंला जूगु दु ।
प्रधानमन्त्री निवास बालुवाटारय् सोमवाः जूगु खँल्हाबंलाय् ब्लेकं लोकतन्त्रय् विश्वास याइगु दलतय्सं हिंसा व अराजकताया बः कायेमज्यूगु धयादिल । माओवादीं मजदुर दिवसया लसताय् याइगु प्रदर्शनया इलय् सरकार कडा रुपं प्रस्तुत जुइगु खँ सार्वजनीक जूगु इलय् ब्लेकं थ्व खँ धयादीगु खः ।
अथेहे खँल्हाबंलाय् उपसहायक विदेशमन्त्री ब्लेकं नेपाःया शान्ति प्रकृया, संविधान निर्माण, लोकतान्त्रिक प्रक्रिया संस्थागत लगायत राजनीतिक गतिरोधया बारे च्यूताः प्वंकादीगु खः । प्रधानमन्त्री नेपालं माओवादी लडाकु समायोजन व पुनःस्थापना बिना शान्ति प्रकृयायात निष्कर्षय् थ्यंकेमफइगु धयादिसें न्हापा माओवादी लडाकुया व्यवस्थापन यायेगु धयादिल ।
वय्कलं राजनीतिक दलत दथुइ सहमति व सहकार्य बिना शान्ति प्रक्रिया व संविधान निर्माणयात सार्थक निष्कर्षय् थ्यंकेमफइगुलिं थःम्हं निरन्तर सहमति व सहकार्यया निंतिं बः बियाच्वनाःगु धयादिल ।
