नेविसंघं स्वंगः सरकारी गाडीइ तोडफोड
नेपाल विद्यार्थी संघं थःगु कार्यकार्ततय्त त्व:तेमा:गु माग यासें सोमवाः स्वनिगःया थीथी क्याम्पस न्ह्यने प्रदर्शन याःगु दु । प्रदर्शनया झ्वलय् संघय कार्यकर्तातय्सं स्वंगः सरकारी गाडी तोडोफोड यानाब्यूगु दु ।
प्रदर्शनकारीतय्सं चाबहिलय् नेपाल टेलिकम व बागमति एकीकृत विकास परियोजना व थापाथलीइ मेगू छगः सरकारी गाडीइ तोडफोड याःगु खः । उगु इलय् प्रहरीं निम्ह प्रदर्शनकारीतय्त ज्वनायंकूगु दु । विद्यार्थीतय् प्रदर्शनया कारणं मित्रपार्क क्षेत्र छुं इया निंतिं तनावग्रस्त जूगु खः ।
अथेहे स्वनिग:या थीथी क्याम्पस न्ह्यने प्रदर्शनकारीत व प्रहरी दथुइ जूगु ल्वापुइ लाना: नीन्याम्ह प्रदर्शनकारीत घा:पा: जूगु दुसा: प्रहरीं नीम्ह प्रदर्शनकारीत ज्वनायंकूगु दु । ज्वनायंकूपिंत गौशाला प्रहरी ज्याकूथी तयात:गु दु ।
नेविसंघं थ: कार्यकर्तातय्सं त्रिचन्द्र क्याम्पसय् अखिलनाप ल्वापु याःगु द्वपं बियाः ज्वनायंकूपिं कार्यकर्तातय्त त्वःतेमाःगु माग यासें प्रदर्शन याःगु खः ।
