शान्ति प्रकृयाया बाधक माओवादी : कांग्रेस
नेपाली कांग्रेसं शान्ति प्रकृया व संविधान निर्माणया प्रमुख बाधक माओवादी जूगु निष्कर्ष पिकाःगु दु ।
न्यान्हु न्ह्यः निसें पार्टीया मू ज्याकू सानेपाय् न्ह्यानाच्वंगु पार्टीया केन्द्रीय कार्यसमितिं आइतवाः अन्तिम निर्णय यासें कांग्रेसं माओवादीया कारणं हे वर्तमान राजनीतिक गतिरोध ब्वलनाच्वंगु धासें माओवादीं वैशाष १८ गते यायेत्यंगु प्रदर्शन शान्ति सम्झौत विपरित जूगु द्वपं ब्यूगु दु । नापं कांग्रेस उगु प्रदर्शन माओवादीं सत्ताय् वनेत न्ह्याकूगु लँपू जक जूगु निष्कर्ष पिका:गु दु ।
कांग्रेसं माओवादीयात शान्ति प्रकृया व संविधान च्वयेगु ज्याय् इमान्दार जुइत इनाप यासें झिनिगू बुँदे सहमति नापं शान्ति सम्झौतायात पालना यायेत इनाप याःगु दु । अथेहे बैठकं संविधानसभाया ई तनेगु बारे संविधानसभाय् दुथ्याःगु दलत नाप सहलह यायेगु निर्णय नं याःगु दु ।
