थौं नं संयन्त्रया बैठक स्थगित

लोकतन्त्र दिवसया लसताय् शनिवाः हे च्वनाः राजनीतिक गतिरोध अन्त्य यायेगु सहमति जूगु उच्चस्तरीय राजनीतिक संयन्त्रया बैठक आइतवाः हानं स्थगित जूगु दु । शनिवाः लोकतन्त्र दिवसया लसताय् नेतात थीथी ज्याझ्वलय् ब्वति कायेमाःगु धासें आइतवाःया निंतिं लिछ्याःगु संयन्त्रया बैठक आइतवाः नं नेताय् कार्यव्यस्थताया कारण क्यंसें स्थगित जूगु दु ।

एनेकपा (माओवादीं) कांग्रेस व एमालेया कारणं संयन्त्रया बैठक लिछ्याये माःगु खँ धाःगु दुसाः कांग्रेसं एमालेया स्थायी समितिया बैठक च्वनाच्वंगुलिं बैठक लिछ्याये माःगु खँ धाःगु दु ।