थौं माओवादी जनजातिया प्रदर्शन
येँ (सन्ध्या टाइम्स)/माओवादी निकट आदिवासी जातीय क्षेत्रिय महासंघं थौं येँय् विरोध प्रदर्शन याइगु जूगु दु। माइतिघर मण्डलां पिकाःगु उगु जुलुस देय्चाःहिलाः शान्ति बाटिकाय् क्वचायेकीगु ग्वसाः दु ।
महासंघया महासचिव व सभासद सुरेश आलेमगरं इलय् न्हूगु संविधान जारी यायेमाःगु, शान्ति प्रक्रियायात निष्कर्षय् थ्यंकेत सरकार विघटन यानाः न्हूगु राष्ट्रिय सरकार दयेकेमाःगु नापं संघीयता विरोधीतय्त खबरदारी यायेत थ्व प्रदर्शन यायेत्यनागु खँ कनादीगु दु ।
