'सरकार हिउसा वाईसीएल भंग'
येँ (सन्ध्या टाइम्स)/यदि माओवादीं कब्जा यानातःगु सम्पत्ति लित बीगु, वाईसीएल भंग यायेगु सहमति क्यन धाःसा वर्तमान सरकार भंग यायेत थःपिंसं नं सहमति क्यने धकाः एमाले व कांग्रेसं धयाच्वंगु हे इलय् लाक्क माओवादी अध्यक्ष प्रचण्डं यदि धाथें वर्तमान सरकार भंग यायेत एमाले व कांग्रेस तयार दुसा थःपिं नं वाईसीएल भंग यायेत तयार दु धयादीगु दु ।
म्हिगः थनया थैवय् जूगु छगू कार्यक्रमय् न्ववासें माओवादी अध्यक्ष प्रचण्डं थ्व खँ धयादीगु खः। वय्कलं धयादिल, 'कब्जा यानातःगु सम्पत्ति लित बीत जिपिं खँ ल्हायेत तयार दु, उकथं हे मेपिं पार्टीत बेपत्ता यानातःपिं मालेगु बारे खँ ल्हायेत नं तयार जुइमाः।'
वय्कलं थःपिंलिसे सरकारं याःगु फुक्कं सहमति पालना यायेत तयार जुइमाः धकाः नं कनादिल ।
