राजनीतिक संयन्त्रया बैठक स्थगित

राजनीतिक समस्याया निकास बीगु कथं च्वनीगु धाःगु उच्चस्तरीय राजनीतिक संयन्त्रया बैठक स्थगित जूगु दु । लोकतन्त्र दिवसया लसताय् नेतात थीथी ज्याझ्वलय् वनेमाःगुलिं थौंया बैठक स्थगित यायेमाःगु खँ धा:गु दु । माओवादीं थौंया बैठक एमालेया विशेष इनापय् लिछ्यायेमाःगु खँ धाःगु दुसाः कांग्रेसं धाःसा माओवादी व एमालेया कारणं थौंया बैठक च्वनेमफुगु द्वपं ब्यूगु दु ।

थ्वस्वयां न्ह्यः च्वंगु संयन्त्रया बैठकय् लोकतन्त्र दिवसया न्हि कुन्हु बैठक च्वनाः प्याकेजय् सहमति यायेगु खँ क्वःछिउगु खः । थौंया बैठकय् संविधान निर्माण, शान्ति प्रकृया, वाइसिएलया अर्धसैन्य संरचना विघटन, माओवादीं कब्जा यानातःगु छेँबुँ लितबीगु नापं राष्ट्रिय सरकार गठनया बारे सहलह यायेगु ज्याझ्वः दुगु खः ।